Gildin okkar

Gildin voru unnin og ákveðin af starfsfólki Hreint og marka þau grunn að öllu okkar starfi.

Hreint leggur áherslu á þessi gildi og þau eiga að endurspeglast í daglegu starfi. Viðskiptavinurinn má gera ráð fyrir að þjónustan einkennist af þeim og verði var við þau í framkvæmdu verki. Starfsfólk má gera ráð fyrir því að beita þessum gildum í hinu daglega starfi sínu og vera viss um að með því muni þeir vinna fyrirtækinu til gagns.

Hreinlæti

Hreinlæti er grunnurinn að öllum þeim störfum sem Hreint sinnir. Hreint selur hreinlæti og það er hlutverk starfsmanna að skilja þannig við þjónustustaðinn, að þessi upplifun sé sterk og áberandi.

Samskipti

Upplifum viðskiptavinarins um hreinlætismál er mikið tengt því að viðkomandi sé upplýstur um hvað verið sé að gera og hvað stendur til í framtíðinni. Skýr skilaboð með virkum hætti eru nauðsynleg sökum þess að skilningur og skynjun á þjónustunni getur verið eins misjafn og fólk er margt. Stuttar boðleiðir eru lykillinn að góðum samskiptum. Við viljum að starfsmenn eigi í góðum samskiptum við viðskiptavini Hreint.

Skilvirkni

Það er skylda Hreint að sinna hreinlætismálum með skilvirkum hætti. Starfsmaður Hreint  skal ávallt haga sínum störfum í samræmi við þarfir staðarins. Skilvirkt verklag skilar góðu verki.