Þaulreynt verklag í 36 ár

Þegar fyrirtæki leita tilboða hjá  Hreint í reglulega ræstingu byrjum við á því að skilgreina ræstiþörfina en hátt gæðastig fæst með góðu skipulagi og úttektum. Við vitum að reglulegar ræstingar skipta miklu máli og þar spilar gott skipulag lykilhlutverki í vönduðu þjónustustigi og lægri kostnaði og því skiptir máli að vanda vel til verka strax í upphafi. Að lokinni nákvæmri úttekt og greiningu, sem unnin er í samráði við viðskiptavini, sendum við ítarlegt og skýrt tilboð þar sem framkvæmdin og kostnaðurinn er útlistaður.

Eftir að tilboði er tekið veljum við viðskiptastjóra í verkið sem mætir á staðinn ásamt sölumanni Hreint og er vel farið yfir verkefnið svo allir hafi sama skilning á því. Þetta er lykilatriðið í að skapa sömu sýn frá fyrsta degi. Þegar reglulegar ræstingar hefjast mætir ræstingastjóri á staðinn með starfsmanni og fylgir honum eftir í verkefninu eins lengi og þurfa þykir. Þetta verklag er forsenda gæða og góðra verka og hefur skilað okkur ánægðum viðskiptavinum í yfir 35 ár.

Hafðu samband við okkur strax í dag og komdu þínum ræstingamálum í gott horf.