Áherslur í starfsmannamálum

Ráðningar

Við ráðum hæft og metnaðarfullt starfsfólk út frá hlutlausum og faglegum forsendum. Hjá Hreint er í gildi jafnréttisáætlun sem tekið er mið af við ráðningar.

Menntun

Hreint skólinn veitir nýráðnu starfsfólki rafræna fræðslu um félagið og verklag við ræstingar. Einnig fær það afhentan starfsmannabækling sem til er á þremur tungumálum; íslensku, ensku og pólsku. Í kjölfarið fer fram nýliðafræðsla í samræmi við það hlutverk sem starfsmanni er ætlað. Leitast er eftir að starfsfólk nái strax tökum á starfinu og þekki sínar skyldur og réttindi.

Starfsfólki býðst að hefja nám í Íslenskuskóla Hreint sem hefur verið starfandi frá 2008. Tilgangur hans er að gera starfsfólki kleift að auka lífsgæði sín hér á landi. Ýmis önnur starfstengd námskeið eru í boði sem taka mið af þjálfunaráætlun og þjálfunardagskrá sem gefin er út árlega. 

Öryggi og heilsa

Vinnuumhverfi Hreint fullnægir kröfum um vinnuvernd, öryggi og góðan aðbúnað á vinnustað í samræmi við kröfur Svansins. Öryggisnefnd er starfandi og hefur yfirumsjón með því að starfsemi félagsins uppfylli lög og reglugerðir á sviði öryggis- og vinnuverndarmála.

Einelti og kynferðisleg áreitni er ekki liðin og er unnið samkvæmt forvörnum og viðbragðsáætlunum um slíkt. Starfsfólk hefur aðgang að heilbrigðisþjónustu í gegnum samstarfsaðila Hreint. Áhersla er lögð á jafnvægi milli vinnu og einkalífs og aðstoð veitt eftir þörfum til að ná því fram. Starfsfólk er hvatt til að huga að heilsunni og eru sérstakir heilsudagar haldnir reglulega. Á þeim fer fram fræðsla um gott heilsufar og starfsfólki gefst tækifæri á að fara í heilsufarsskoðun.

Starfsandi, virðing og hvatning

Lögð er áhersla á góðan starfsanda hjá Hreint. Starfsmannafélag er starfandi sem skipuleggur reglulega viðburði með það að markmiði að sameina flottan hóp starfsfólks með alþjóðlegan bakgrunn. Reglulega er starfsfólki veitt viðurkenningar fyrir framúrskarandi störf. Má þar nefna starfsmenn mánaðarins og starfsmenn ársins. Einnig eru árlega veittar starfsaldursviðurkenningar.

Gildi Hreint eru Hreinlæti, Samskipti og Skilvirkni.