Einnig veitum við stjórnendum okkar yfirsýn yfir árangur sinna sviða, deilda og hópa. Með þessu móti sýnum við í verki að mannauður okkar skiptir miklu máli.

Í HR Monitor er spurt út í líðan á vinnustað og ánægju með stjórnun, starfsanda, starfsþróun og fleira sem viðkemur mannauðsmálum. Allt starfsfólk fær tækifæri til að gefa yfirmanni sínum mánaðarlega endurgjöf, bæði á frammistöðu hans sem stjórnanda sem og á starfsumhverfi og starfsánægju. Stjórnendur fá jafnframt dýrmæta endurgjöf á sín störf sem þeir nýta til að dýpka sjálfsþekkingu sína og gera enn betur í starfi sínu sem leiðtogar. Við hlustum líka á tillögur frá starfsfólki til að gera betur og göngum í málin ef þurfa þykir.

Á bakvið Hreint er öflugt, samheldið og metnaðarfullt starfsfólk sem við erum svo sannarlega stolt af og þakklát fyrir.