Content

 

Frábært tilboð á mögnuðu moppuskafti

Greenspeed -sprenkler -dweilsysteem -set -met -een -mop

Það eru sennilega ekki margir sem hlakka til þess þegar þarf að skúra heimilið eða vinnustaðinn. Ef skúringagræjurnar eru gamlar og þreyttar er enda lítið til að hlakka til. En við hjá Hreint höfum auðvitað ráð undir rifi hverju og getum auðveldað þér lífið verulega.

Hvernig hljómar að þurfa aldrei að vinda moppuna og að hætta að draga fötu með sápuvatni á eftir þér við skúringarnar? Ef það hljómar vel skaltu halda áfram að lesa. Við ætlum að bjóða viðskiptavinum Hreint 30% afslátt af Greenspeed moppuskaftinu, einni moppu og einum lítra af Buzil Planta soft umhverfisvænum alhliðahreinsi. Með afslættinum kostar þetta aðeins 6.750 krónur fyrir utan virðisaukaskatt.

Þetta magnaða moppuskaft hefur gjörbylt gólfþvotti og gert hann auðveldari og þægilegri en nokkru sinni áður. Þú þarft ekki lengur að vinda moppuna eða draga á eftir þér fötu fulla af vatni. Í álskaftið komast um 450 millilítrar af sápuvatni. Það er um það bil það magn sem þú þarf til að skúra 100 fermetra. Þú þrýstir einfaldlega á hnapp efst á skaftinu til að sprauta sápuvatni jafnt fyrir framan moppuna.

Örtrefjamoppan nær öllum óhreinindunum
Moppan er að sjálfsögðu hágæða örtrefjamoppa (microfiber) sem nær vel í öll horn og nær óhreinindunum ótrúlega vel af gólfinu. Með þessari aðferð er gólfið líka mjög fljótt að þorna, sem fer betur með parketið en að láta bleytu liggja á því lengi.

Þetta magnaða moppuskaft hentar hvort sem er fyrir heimili eða fyrirtæki. Gríptu í góða moppu næst þegar þú skúrar. Kíktu til okkar hjá Hreint og fáðu verkfæri sem fagmennirnir mæla með. Hvers vegna ættir þú að treysta því að við vitum hvað við erum að tala um? Af því við erum fagmenn í ræstingageiranum með um 30 ára reynslu. Við vitum hvað virkar og hvað virkar ekki. Og þetta frábæra moppuskaft virkar.

Ertu enn ekki viss? Kíktu þá á myndband frá framleiðandanum sem sýnir hvernig græjan virkar.

Til baka